Mets-te à t’naisse, camarate,
Din ch’nord on cait pas les frimeux !
Arcouve-te pas d’eine cravate,
Ichi on minge intre fouf’teux.
Deul cochisse frode et des pétotes
Avec les dogts comme des galaffes,
Que deul bonne chair qui ravigote,
Deul tarte au chuque et des bett’raf.
On tute eud tout, on n’est nin drôle
Et pas seul’mint qu’du jus d’rojin !
Fodrot nin qu’tin vinte s’invole
Et qu’t’artombes drot chez l’vojin !
On n’a nin grimint eud’ doupes
Mais toujours eine goutte et l’cœur caud,
Brais pas comme eine maguette biloute,
Arweite eut’ jatte et bos t’soupe tiot!
Eum’ barraque ch’est eut’ barraque,
Laiche don’ eud’ tiête sul’paillasson !
Si te veux vife un ch’ti miraque,
Camarate, fais comme at mason !
Nb : C'est du patois ch'ti. J'vous laisse cogiter un peu, je posterai la traduction un peu plus tard.